સુજનીપુર સબ જેલ પાટણ ખાતેના આરોપીઓને ફાસ્ટ ફૂડ અને સ્ટોલ ઉદ્યમીની તાલીમ આપવામાં આવી

બરોડા ગ્રામીણ સ્વરોજગાર તાલીમ સંસ્થા, પાટણ દ્વારા સુજનીપુર સબ જેલ પાટણ ખાતેના આરોપીઓને તારીખ 04/03/2024 થી 09/03/2024 દરમિયાન 6 દિવસની ફાસ્ટ ફૂડ અને સ્ટોલ ઉદ્યમીની તાલીમ આપવામાં આવી હતી. જે તાલીમ અંતર્ગત તાલીમાર્થીઓને અલગ અલગ પ્રકારના ખાણી પીણીમાં સમોસા, વડા પાવ, દાબેલી, ભાજી પાવ, ગોટા, પકોડી, મન્ચુરીયન અને પૌવા વગેરે જેવા નાસ્તા બનાવતા શીખવવામાં આવ્યા હતા.
તાલીમ બાદ પોતે મુક્ત થઈ સ્વતંત્ર વ્યવસાય કરી શકે તે હેતુથી સંસ્થા દ્વારા તાલીમની સાથે સાથે સરકારી અને બેંકની યોજનાઓ વિશે, ધંધામાં જોખમ લેવું, સ્વતંત્ર નિર્ણય લેવો, ગુણવત્તા, પર્સનાલિટી, કમ્યુનિકેશન, ધિરાણ યોજનાઓ વિશે માર્ગદર્શન આપવામાં આવ્યું હતું તાલીમના છેલ્લા દિવસે તાલીમ સમાપન કાર્યક્રમ રાખવામાં આવ્યો હતો જેમાં સંસ્થાના નિયામક ડો. રુદ્રેશ ઝુલા, સુજનીપુર સબ જેલનો તમામ સ્ટાફ, સંસ્થાના ફેકલ્ટી મુકેશ ઠાકોર, હરેશભાઈ પટેલ, Rseti સ્ટાફ અને ટ્રેઈનર સેધાજી ઠાકોર ઉપસ્થિત રહી તાલીમાર્થીઓને પ્રમાણપત્ર આપી તાલીમ કાર્યક્રમનું સમાપન કરવામાં આવ્યું હતું.

રિપોર્ટ: અનિલ રામાનુજ પાટણ, રાધનપુર

➡ ગુજરાતના તમામ જિલ્લા તેમજ તાલુકાઓમાં ઉત્સાહી રિપોર્ટર, ઇન્ફોર્મર, જિલ્લા બ્યુરો તેમજ માર્કેટિંગ મેનેજરની જાહેરાત વિભાગમાં જરૂરત છે.

વધુ વિગત માટે સંપર્ક :-

➡ વ્યવસ્થાપક (લોકાર્પણ)
વૉટ્સઅપ : 84889 90300